పాదాలు

– దివికుమార్‌

పల్లెలలో బతకలేక వలసపోయిన పాదాలు

నగరాల్లో చావలేక తల్లి ఒడికై తపించి యింటి బాట పట్టిన పాదాలు

చావుని ధిక్కరిస్తున్న పాదాలు

ఆధునిక మహాయాత్రకు

చరిత్ర నిర్మాతలైన పాదాలు

దండి యాత్రలను ఆయోథ్య జాతరలను తెర వెనుకకు నెడుతున్న పాదాలు

ఏ శక్తి పిడికిలైతే దోపిడీశక్తులు గజగజలాడతాయో

ఏ నెత్తుటి చారికలు మరో చరిత్రకు దారి చూపుతాయో

వేటి సంకల్ప బలానికి ప్రపంచం తల దించుకుంటోందో ఆ శ్రమజీవన పాదాలకు మనసా వాచా కర్మేణా పాదాభివందనాలు!!